Alhaug, Gulbrand et al. (red.): Mot rikare mål å trå

Tove Bull fyller 60 år 31. oktober 2005, og dette blir mellom anna markert med dette festskriftet - som takk for den store innsatsen ho har gjort både fagleg og administrativt.I tillegg til ein biografisk omtale og ein bibliografi over dei faglege arbeida til Tove Bull inneheld festskriftet artiklar av forfattarar i inn- og utland om språkhaldningar og språkideologi, språknormering og språkplanlegging, språklege minoritetar og samiske språktilhøve, språk og kjønn, andre sider ved språkleg variasjon og språkbruk og dessutan faghistorie. Festskriftet avspeglar både det vide kontaktnettet til Tove Bull og dei forskingsinteressene ho har.