Strømshaug, Kristian: Mål i Østfold

Denne boka fortel om dialektane i Østfold gjennom dei siste hundreåra. Framstillinga byggjer på tilfang frå kjende folk som J. N. Wilse, Ivar Aasen, Hans Ross, Oluf Rygh og mange andre granskarar heilt fram til vår tid. Mykje av materialet frå 1900-talet ligg i Avdeling for målføregransking (Målførearkivet) ved Universitetet i Oslo. I tillegg har forfattaren sjølv samla store mengder tradisjonsstoff, eit materiale som han har fått direkte frå folk som levde i og var ein del av den rike kulturarven. Boka inneheld mange teikningar og dialektkart. Kristian Strømshaug, f. 1921, agronom og bonde frå Råde, har gjennom heile sitt liv hatt syn og interesse for arven frå fortida. Dette førde til at han vart beden om å ta imot ei stilling ved Borgarsyssel Museum i Sarpsborg. Her arbeidde han i bortimot 17 år til han gjekk av for aldersgrensa.